Jami’an Yan Sanda Sunyi Nasarar Cafke Miyagu Suna Shirin Karbar Kudin Fansa a jihar Neja da Kaduna 

 Rundunar yan sandan jihar Kaduna ta samu gagarumar nasara kan yan ta’addan da ke kokarin karbar kudin fansa yayin da ta yi ram da su, da wani barawon mota Jami’in hulda da jama’a na rundunar, ASP Mansir Hassan da ya tabbatar da nasarar ya bayyana cewa sun samu rahotannin sirri kan yadda yan ta’addar ke karbar kudin fansa

Wadanda ake zargin sun hada da Sani Amadu dan shekara 17, da Sani Lawal mai shekara 20 da Aliyu Usman mai shekaru 22 dukan su mazauna Dadin Kowa a karamar hukumar Tafa a jihar Neja  

‘Yan sandan sun kuma gano mota kirar Toyota Land Cruiser daga wanda ake zargi bayan umarnin da kwamishinan ‘yan sandan jihar ya bayar na ragargaza masu satar mutane.