Kungiyar Kwallon Kafa Ta Barca Na Daf Da Daukar Nico Williams, Riccardo Calafiori, Ya Kusa Komawa Arsenal

Har yanzu Newcastle na son Dominic Calvert-Lewin, Napoli ta ci gaba da zawarcin Romelu Lukaku, wakilin Mario Balotelli na tattaunawa da Corinthians.

Newcastle ta shirya sake kaddamar da wani yunkurin dauko dan wasan gaban Ingila Dominic Calvert-Lewin mai shekaru 27 bayan tattaunawar farko da Everton ta gaza haifar da sakamako mai kyau. (Football Isider)

Har yanzu Napoli na sha’awar siyan dan wasan gaban Chelsea Romelu Lukaku dan kasar Belgium mai shekara 31. (Sky Sports)

Tsohon dan wasan Italiya da Manchester City da Liverpool Mario Balotelli, mai shekara 33, yana tattaunawa domin ya koma Corinthians (ESPN)

Barcelona na daf da samun damar siyan dan wasan gaba na Athletic Bilbao Nico Williams mai shekaru 22 dan kasar Sipaniya. (Sports Spanish)

Arsenal na gab da kulla yarjejeniya da dan wasan bayan Italiya da Bologna Riccardo Calafiori, mai shekara 22. (fOOTBALL iNSIDER)

Golan Chelsea dan kasar Sipaniya Kepa Arrizabalaga, mai shekara 29, yana tattaunawa da Al-Ittihad kan komawa Saudiya. (Athletic)

Ana shirin nada tsohon kocin Paris Saint-Germain, Laurent Blanc a matsayin kocin Al-Ittihad har zuwa watan Yunin 2026. (Fabrizio Romano)

Dan wasan Tottenham da Jamhuriyar Ireland, Troy Parrott, mai shekara 22, na shirin yin gwajin lafiya kafin ya koma AZ Alkmaar. (Football Insider)

Dan wasan tsakiyar Faransa Desire Doue, mai shekara 19, na shirin yanke hukunci kan inda zai koma tsakanin Bayern Munich da Paris Saint-Germain idan ya bar Rennes a bazara. (Sky Germany)

A gefe guda kuma Tottenham kuma tana sha’awar dauakr Doue zuwa arewacin London. (Football London)

Lyon na dab da sayen matashin dan wasan gaba na kungiyar Southampton mai shekara 16 Alejandro Gomes Rodriguez. (Athletic)

Dan wasan tsakiyar Spain Saul Niguez, mai shekara 29, ya amince ya bar Atletico Madrid ya koma Sevilla. (Fabrizio Romano)