Wata Sabuwa:😳 Dangote ya ce Tinubu zai yanke hukuncin ko nawa zai sayar da mansa

Shugaban Najeriya Bola Ahmed Tinubu ne zai yanke hukunci a kan farashin da matatar Dangote za ta sayar da man fetur din ta ga jama’ar dake cikin Najeriya.

Jaridar daily trust ta ruwaito cewa, shugaban kamfanin Aliko Dangote ne ya sanar da haka, lokacin bikin gabatar da tataccen man da aka gudanar yau a birnin Lagos.

Dangote ya ce man fetur din da suke tacewa zai fara zuwa gidajen mai nan da sa’oi 48, da zaran sun samu sahalewar NNPC.

Wannan mataki na zuwa ne a daidai lokacin da NNPC a yau talata ya kara farashin man da yake sayarwa jama’a, inda farashin ya tashi daga naira 568 a Lagos zuwa 897, ya yin da a Kano kuma ake sayar da shi a kan naira 902.

Sahel24 TV