Kungiyar Yarkofa Youths Enlightment Forum Sun Gabatar Da Shirin Yiwa Yara Rajista A Matakin Firamare
Daga Shamsu Bello Lawal Bungudu
A kokorin ta na ganin ilimin Yara kanana ya inganta, Kungiyar Yar kofa Youths enlightment forum in support of Zannan Bungudu ƙarkashin jagorancin Shugaban ta wato Engr. TASIU LAWAL BUNGUDU ta gudanar da Shirin yiwa yaraMaza da Mata rajista a matakin Firamare.
Kungiyar wadda take da mambobi da dama masu kishin yankinsu sunyi wannan zurfin tunanin ne domin ganin sun taimaki Yara kanana musamman Marayu da wadanda iyayensu Basu da karfin saka su Makaranta.
Akalla Kimanin Yara 60 ne suka amfana da wannan Shirin a Makarantun Firamare maban banta dake yankin Karamar Hukumar mulki ta Bungudu.
A zantawa ta da Shugaban wannan Kungiya yace Kashi casa’in na wannan taimakon yafito ne daga DR. Abdulmalik Zubairu Zannan Bungudu a kokarinsa na taimakawa sha’anin ilimi a yankunan da yake wakilta, yakuma Kara da cewa wannan kadan ne daga cikin kudurorin da suke da su domin kawo cigaba a ƙarkashin wannan Kungiya musamman a fannin ilimi.
Iyaye da maga’isan Yara sai fatan Alkhaeri suke tayi da godiya ga wannan Kungiya da Kuma Dan Majalisar Tarayya Mai wakiltar Kananan Hukumomin Maru da Bungudu Wanda da gudunmuwar da Hadi da Goyon bayansa ne wannan Kungiyar tayi nasarar gudanar da wannan Shirin.
