Yanzu haka Yan Wasan kwallon kafa ta Real Madrid sun isa gidan Atletico Madrid domin buga wasan mako na takwas a gasar La Liga da za su kara yau Lahadi a Metropolitano.
Shi ne wasan farko na hamayya tsakanin manyan ƙungiyoyin birnin Madrid a bana. Real tana mataki na biyu a teburin da maki 17 bayan cin karawa biyar da canjaras biyu.
Atletico Madrid tana mataki na ukun teburi da maki 15 bayan nasara huɗu da canjaras uku cikin karawa bakwai.
Har yanzu dai Kungiyar Kwallon Kafa Ta Barcelona ce ta ɗaya mai maki 21 a karawa takwas, wadda ta ci wasa bakwai a jere kafin Osasuna ta doke ta 4-2 ranar Asabar.
